Работилница
“Развој на аналитички методи: од теорија во пракса”
Почитувани студенти,
Центарот за кариера на Фармацевтскиот факултет при УКИМ во Скопје, во соработка со Реплек организира работилница на тема
„Развој на аналитички методи: од теорија во пракса“.
Работилницата има за цел
- Практична примена на теоретско знаење од областа аналитика на лекови во лабораториски услови, преку работа на студија на случај на генерички лек од Реплек
- Развој на компетенции и вештини за аналитички пристапи
- Соработка меѓу академската и бизнис заедницата
Еднодневната работилница е наменета за студенти од Фармацевтскиот факултет, УКИМ во Скопје кои се на VIII-ми семестар студии од програмата Магистер по фармација.
Максималниот број на студенти е 20.
Работилницата ќе се одржи на ден 20.05.2023 година (сабота) во Реплек. Студентите ќе се поделат во 3 групи. Секоја група ќе обработи параметар ‘’Содржина на активна компонента’’ на 3 различни генерички лекови.
Подготовката, испитувањата и резултатите ќе ги спроведуваат во лабораторијата во оддел Контрола на квалитет.
Агенда на активности:
- Поздравување на студентите и воведен говор
- Претставување на компанијата: визија, мисија и вредности
- Запознавање со организациската структура и видео презентација
- Промоција на 3 производи на Реплек од страна на бренд менаџер
- Стручно излагање од Раководителот на оддел Контрола на квалитет
- Лабораториски анализи
- Евалуација на резултати
- Прогласување на најдобар тим (критериуми за оценување:најсоодветна аналитичка интерпретација на добиените резултати во практичниот дел)
- Секој учесник ќе добие сертификат за учество
Пријава за учество
Пријава за учество (електронска порака дека сакате да учествувате на работилницата) да се испрати на jato@ff.ukim.edu.mk, до проф.д-р Јасмина Тониќ Рибарска, раководител на Центарот за кариера
Рок за пријавување: најдоцна до 15.05.2023 година
Критериуми за учество
- Студент на Фармацевтски факултет, УКИМ во Скопје
- Во тек на VIII-ми семестар студии од програмата Магистер по фармација, што активно следат практична настава од предметот Аналитика на лекови и легислатива
На оваа работилница може да учествуваат најмногу 20 студенти
(по принципот прв пријавен – прв запишан)
Студентите се менторирани од професори од Фармацевтскиот факултет
Проф. д-р Катерина Брезовска и проф. д-р Јелена Ацевска,
а ќе бидат евалуирани од Раководителот на оддел Контрола на квалитет, Ирена Славеска Спиревска, фарм.спец.
По завршување на работилницата, очекувани резултати се:
- Можност за добивање на резултати во реално време
- Работа во строго контролирани лабораториски услови во современа EU GMP контролна лабораторија со иновативни технологии
- Стекнување практични вештини на студентите од областа аналитика на лекови
- Развивање компетенции за тимска работа и натпреварувачки дух