EДУКАТИВЕН КУРС: „УСЛУГА ЗА НОВ ЛЕК – УНЛ

EДУКАТИВЕН КУРС: „УСЛУГА ЗА НОВ ЛЕК – УНЛ

(NEW MEDICINE SERVICE – NMS)”

Центарот за континуирана едукација при Фармацевтскиот факултет, УКИМ – Скопје ги поканува сите заинтересирани фармацевти да се пријават на напредниот едукативен курс посветен на фармацевтската услуга „Услуга за нов лек (УНЛ)” — структурирана клиничко-фармацевтска интервенција насочена кон поддршка на пациентите при започнување нова терапија- период поврзан со зголемен ризик од неправилна примена, несакани реакции и прекин на терапијата., особено при третман на хронични заболувања.

Едукативниот курс „Услуга за нов лек“ (Модули 1–4) :

• нуди сеопфатна обука за концептот, организацијата и практичната примена на услугата
• e наменет за фармацевти од аптекарската и клиничката пракса кои сакаат да го унапредат својот професионален ангажман преку воведување на структурирани и современи фармацевтски услуги.

Програмата комбинира стручни предавања, меѓународни искуства и интерактивни работилници со реални случаи од практика, дискусии и евалуација на стекнатото знаење и вештини.

МОДУЛ 1 и МОДУЛ 2 (за нови учесници)

МОДУЛ 3 и МОДУЛ 4 (за учесници кои претходно ги имаат завршено МОДУЛИТЕ 1 и 2, вклучително и новите учесници во МОДУЛИТЕ 1 и 2)

Сертификација – Учесниците кои успешно ќе ги завршат сите четири модули ќе добијат посебен сертификат за стекнати знаења и практични вештини, како потврда за компетентност во обезбедување на оваа напредна фармацевтска услуга.

Акредитација – Курсот е во постапка на акредитација од Фармацевтската комора на РС Македонија (одделно за Модул 1–2 и Модул 3–4).

Зошто да се пријавите?

• Унапредете ја Вашата улога во тимот за здравствена грижа
• Дадете вистинска вредност на лекот – преку знаење, грижа и одговорност
• Бидете фармацевтот кој пациентите го паметат по резултатите

 Котизација

 Пријавување

Ве очекуваме!

---